البســــــيسه
خوذ البسيسة و التمر يا مضنوني
و الفين عشرينات توّه جوني
***
خوذ الصوارد خوذ غير ديرني في بالك
بالعلم يا مضنوني ما يطيحوك مهالك
خليك مالضيّاع لا تنخدع مغرور
في املاكهم صنـَّاع وايامهم في قصور
***
خوذ كتبك يا ولدي زيد قرّب بحذاي
في القلب و انت و الدموع في عيوني
تمنيت عرسك و العروس بجنبك
ربّخ هات حزام
نرقص ما تردّوني
نغنّـي ما تردّوني
مبروك يا لحباب يا عمته و يا خالة
يا عامل الداموس ويا عامل الزبالة
***
العمدة يجري...و بين إيديه أوراق
"وينه ولدك هاتهولي يتكلم عل حق أجداده"
يا عمدة ما تهزهولي ولاّلي قاري و زياده
" وينه ولدك هاتهولي متهوم بحبه لبلاده"
يا عمدة ما تهزهولي ولاّلي واعي و زياده
الحُرَّاس ثلاثة جاوه هزوه الطالب هزّوه
***
يا سالبين الحراير نا اليوم بالدمع عرسي
كيف البسيسة صراير ضمنتها حرصي
ردُّوا علي ضنايا نا اليوم نفديه و نبيع عليه خرصي
ليست هناك تعليقات:
إرسال تعليق